1. AS PARTES DO CORPO

Un dos meus programas favoritos da tele cando tiña a vosa idade era Art Attack. Nunha parte do programa un señor, moi creativo, facía unha composición co material que tiña a man.

Esta é a proposta para hoxe: con material diverso que teñades na casa facer unha figura humana.

Aquí tedes a que fixen eu coa axuda de Sabela, a miña filla pequena.

Utilizamos un prato para a cabeza, rotuladores para o pelo, mandarinas para as orellas, unha pulseira para a boca, tapones para os ollos, un cojín para o tronco, rolos de papel para os brazos.... Usade a vosa imaxinación.

Una vez feita a figura humana tedes que facer carteis de papel das seguintes partes do corpo e as colocades sobre a vosa construción como fixen eu coa cabeza.

As partes do corpo que tedes que sinalar son:

cabeza, tronco, extremidade inferior, extremidade superior, tórax, abdome, brazo, antebrazo, man, coxa, perna e pé.

Se queredes tamén podedes sinalar con carteis as articulacións principais do noso corpo:

pescozo, ombro, cóbado, pulso, cadeira, xeonllo e nocello.

Se tedes algunha dubida podedes axudarvos do libro de Ciencia Naturais: Tema 1, Lección 1

Unha vez feita, se queredes, podedes sacarlle unha foto a vosa figura humana, enviarma por correo (ivansuarez@edu.xunta.es), e eu a subo ao blog para compartilo cos vosos compañeiros.

Ánimo, xa veredes que divertido!!!